ترجمه ترکی خطابه غدیر

بسم الله الرحمن الرحیم
تمام حمد و ستایش لر او آلله مخصوص دیرکی بیرلیگینده رتبه سی یوخاری و تک لیگینده ، یاخین دیر0 ئوز سلطنتینده جلالتلی، و شوکتینده عظمتلی دیر، نه بیر یئرده یئرلشیب، نه ده یئر به یئر اولار، امّا علمینون هر بیرزادا احاطه سی وار0  بیتون مخلوقاته ئوز قدرتی و حجّتی ایلن غلبه سی وار0همیشه ستایش اولونوب و اولوناجاق و اونون مجد و عظمتینین قورتولاجاغی یوخدیر، باشلانیش و قورتولوش اونیلان دیر و بیتون امرلرین قئییدیشی اوناساری دیر0
یئرلری یایان و گوی لری یارادان و، یئر،گویون قدرتلی حکمداری دیر0خلق اولونموش لارین خصوصیّاتیندان ایراق و ئوز منزلتینده ، هامینین مقدس سایماسیندان دایوخاری ، وملک لرین پروردگاری دیر0تمام یاراتدیقلارین آرتیخلاشا اوجالدیب، و بیتون وجودعالمینه گتیردیقلارینااحسان ائدن دیر0

هر بیرباخیشی گورر امّا هیچ گؤز اونی گؤره بیلمز0دُزوملی، کرم صاحبی و صبیرلی دیر0 رحمتی هر بیر شی ئی چولقالاییب و ئوز نعمتین عطا ائتمگیلن هاملارینا منّت دار اولوب0 انتقام آلماقیندا ، تعجیل ائتمز، و مستحّق عذاب اولدوخلارینین جزاسیندا قاباغا دوشمز0 ..........
نیّت لردن آگاه دیر و باطن لری بیلر، گیزلین لر اوندان اُؤرتوک دییر و اُؤرتولموش لر اونی اشتباها سالماز0 هر بیرشیئه  احاطه سی و هر بیرزادا غلبه سی وار،هر مخلوقین قووَّسی اوندان دیر و هر نیه قادر دیر0 هئچ بیر شی اونا اُخشاماز0 هر شیئی وجودا گتیرن دیر، اوزمان کی شیئلر،لاشی¬ءایمیشلر0اوندان غیری بیرمعبود یوخدور واوعزّتلی و صاحب حکمت دیر0
گوزلرین گورکمیندن اجلّ دیر، و او گوزلری و گؤرمه لی لری درک ائدر و او لطیف و خبردار دیر0هیئچ کیمسه گؤرماقیلان اونین وصفینه یئتیشه بیلمز و اونین نجورلیقینین آشکار،یا گیزلینینه، هیئچ بیرکس ال تاپا بیلمز، مگر بوکی،او عزتلی و جلالتلی ئوزی ئوزونو تانیتدیرا، و یا ئوزی ئوز طرفینه دلالت ائدیب و یول گؤستره0
شهادت وئریرم او همان آلله دیر کی اونون منّزه اولماسی روزگاری دولدوروب و اونون ایشیقی ابدیّتی چولقالیب¬ دیر، او همان آلله دیر کی امرین مشاورسیز اجرا ائدر، نه تقدیرینده بیر شریکی وار، نه تدبیرینده بیرکس دن کمک لیق آلار0
یاراتدیقلارین، اولگوسیز یارادیب0 بویاراتماقیندا هیئچ بیرکس دن کمک لیق آلمییب، چتینلیقادا دوشمیب دیر0 نه چوخ لی فیکیر لشیب ونه چاره قیلیب دیر0 خلقت عالیمی اونین ایجادی ایله موجود اولوب و اونین یاراتدیقیلا ظاهر اولوب0 پس اودی او معبود کی اوندان سیوای بیر معبود یوخدیر،بیر صنعت صاحبی دیرکی صنعتی محکم و یارادیشی گؤزل دیر0 بیرعادل کی ظلم ائله مز و بیر کریم که ایشلرین قئییده جاغی اوناساری دیر0...........................
شهادت وئریرم کی او، همان آلله دیرکی هر بیر شیء ، عظمتینین برابرینده متواضع و عزّتینین مقابلینده رام و قدرتینین قارشیسیندا تسلیم اولمیش دیر0 او حکمدارلرین حاکیمی و فلک لرین دولاندیرانی، و آیی ،گونی تسخیر ائدن دیر0«کی هر بیریسی ئوزمعین اولوموش اجلینه قدرجریاندادیر» «گئجه نی،گوندوزین پرده سینه بورویوب و گونشی گئجه  اؤرتوگونه چولقالایاندیر» «(وگوندوز) دایم(گئجه نی)طلب ائدیر» هر حقّیلن مخالف اولان ظالمی سیندیران و هر قؤ وولمیش شیطانین هلاک ائدنی دیر0 نه بیر مخالف اونیلان دشمنچیلیق ائده بیلر، نه ده بیر شریکی وار0 تک دیر و هیئچ بیرکسه و هیئچ کیمسیه احتیاجی یوخدیر0 «دُغولمییب و دُغمییب، هیچ بیرتایی و شبیهی یوخدیر و تکجه آلله دیر0» تکجه معبود و عظمتلی پروردگاردیر0 ایسدَر و ایسده دیقینی (عمل) ائدر0 اراده ائدر و مقرر ائدر0 بیلر و سایار0 اولدوروب ، دیریلدر0 فقیر ائدر و غنی ائدر0 گولدورر و آغلادار0 یاخینلادیب، اوزاخلادار0 وئرمییب ساخلایان، هم ده عطا ائدن دیر0 حکومت تکجه اونین دیر و ستایش لر اونا مخصوص دیر0 بیتون خیرلر، اونین قدرت ال لرینده دیر،و اودیرکی هر بیرامرَ قادیر دیر0
«گئجه نی گوندوزه و گونشی گئجییه داخل ائدر» اوندان سیوای بیر معبود یوخدیر و او عزّتلی و  چوخ باغیشلیان دیر0 دعالری اجابت ائدن و عطالری آرتیراندیر، نفس لری سایان و جنّ و انسین پروردگاری دیر،هیچ بیرامرین اوناچتینلیقی یوخدیر، نه داده چاغیرانلارین هارایلاریندان اینجی یر، نه ده اصرار ائدن لرین اصراری اونی یورار0................. ....................
صالح بنده لری حفظ ائدن و کام آلان لارا توفیق وئرندیر، مؤمنلرین صاحب اختیاری و عالم لرین ربّی دیر0اوآلله کی هرحالدابنده لرین شکرو ستایش لرینه سزاواردیر0                  
اونی چوخلی ستایش ائدیب و دائماً شادلیخدا و ناسازلیقدا، آسایش ده و گرفتار چلیق دا اوناشکرائدرم0 اونا و مَلَک لرینه و گوندردیقی کتابلارینا و پیغمرلرینه ایمانیم وار0 امرلرینه قولاق وئریب، اطاعت ائدرم، و بیتون اونین راضی اولدیقلارینا ساری گئدرم0حکم لرینه تسلیمم .اطاعتینده رغبتیم وار، و جزاسیندان قورخارام. نیه کی او همان آلله دیرکی، اونین تدبیریندن آمان و ظلمیندن قورخی یوخدیر0
(2)
ئوز بنده لیقیما اقرار ائدیرم و اونین ربوبیّتینه شهادت وئریرَم0 من ئوز وظیفه می وحی اولدوغو خصوص دا یئرینه گتیرَرَم. قورخوم دا بوندان دیرکی اگر عمل أئتمه سم ، آلله دان منه بیر ائله عزاب نازیل اولاکی ، نقدیرده هر کیمسه نین منیلن دوستلوقو خالص و یا فیکری و حیله سی قوّه لی اُلموش اُلسادا، او عذابی مندن اوزاخلاتماقا قدرتی اولمیا0 اوندان سیوای هئش بیر معبود یوخدیر0 چونکی بویوروب اگر علینین حاقّیندا نازیل ائتدیقین جماعته یئتیرمسم، ئوز رسالت وظیفه مه  عمل ائتمه میش اولارام، و آلله تبارک و تعالی جماعتین (اذیّت وشرّلریندن) آماندا اولماقی منه ضمانت ائدیب و البته او همان باغیشلیان و کفایت ائدن آلله دیر0
پس منه وحی ائدیب کی :
«باغیشلیان و مهربان آللهین آدیلا، ای پیغمبر ربیّن طریفیندن سنه نازیل اولانی – علی خصوصوندا، یعنی علینین خلافتی خصوصوندا – یئتیر، اگر (بونو) ائتمه سن ، (ائله بیل کی) اونون (هیچ بیر) تاپشیر دیقلارینی یئتیرمه میسن ، آلله سنی اینسانلاردان (اونلارین فتنه و شرّلریندن) ساخلیاجاق (قورویاجاق) ».
ای جماعت من آللّهین امرینین یئتیرماخلیقیندا اسیرگمدیم (قصور ائتمه دیم) وایندی بوآیه نین نازیل اولماسی سببین ده سیزلره بیان ائدرم( آیدین لادارام) : جبرئیل اوچ دفعه «سلام» اولان پروردگاریمدان کی فقط او «سلام» دی  منه طرف نازیل اولوب و فرمان گتیردی کی بویئرده آیاقا قالخیب و بیتون آق، قره جماعته بیلدیرم کی :
شبهه سیز، علی بن ابیطالب منیم قارداشیم ، جانشینیم (وصی) و امتیمده منیم یئریمده اوتوران، و مندن سوئرا امام دیر، او منه نسبت هارون، موسایه اولان کیمین دیر، مگر بوکی مندن سورا هیئچ بیر پیغمبر اولمیاجاق دیر،واو آلله و اونین رسولوندان سورا  سیزین صاحب  اختیارروز دیر0
آلله تبارک و تعالی بوخصوص دا منه بیر آیه نازیل ائدیب و بویوروب : «حقیقتاً سیزین باشچیز و ایشلریزون اختیار صاحبی تکجه آلله، اونین پیغمبری و ایمان گتیرن لر ناماز قیلیب و رکوع حالیندا زکات وئرن کسلردیر»0
و ایمان گتیریب، نامازی اقامه ائدن و رکوع حالیندا زکات وئرن شخص، علی بن ابیطالب دیر، اودیرکی همیشه و هر حالدا آللّهین رضایتین اله گتیر ماقا چالیشار ( او آللّهین رضایتین اراده ائدر)0......................................................................................................................      من جبرئیل دن ایسده دیم کی «سلام» اولان آلله دان اجازه آلیب و منی بو مأموریت دن معاف ائده، چون پرهیزگارلارین آزلیقین و منافق لرین چوخلوقون ، دانلیانلارین توطئه لرین وایسلامی استهزاء ائدنلرین حوقّالاریندان خبریم وار و آگاهام ، همان کسی لر کی آلله تعالی ئوز کتابیندا اونلارین وصفینده بویوروب کی حقیقتاً اونلار«دیلّلرینده بیرسؤز دییللرکی اورکلرینده اونا ایناناجاقلاری یوخدیر» ، «و بو ایشی ساده حسابلاییلّار، حال بوکی، او آلله یانیندا چوخ بویوک بیر امردیر». بیرده منافق لرین منی چوخلی اینجیتمک لیک لرینه خاطیر، اوراکیمین کی اونون منیله چوخلی ملازیم اولماسنا و منیم اونا توجه ائتدیگیمه گوره و اونین منه ساری تمایلی اولوب و مندن سؤز قبول أئتمه سینه خاطیر، منی «قولاق» (یعنی هر سوزه قولاق وئریب و تئز (اینانان ) آدلاندیر دیلار و بئله گومان ائتدیلرکی من او جورام0
تا کی عزّتلی و جلالتلی آلله بوخصوصدا بیر آیه نازیل ائدیب و بویوردی:
«اونلارین بعضی لری پیغمبری اینجیدیرلر و (اوباشدانباشا) قولاق دیر (هر بیرکسین سؤزونی قبول ائدیر)! دییرلر، دِئنن « او سیزینچون یاخشی بیرقولاق دیر (بیتون دانیشیقلاریندا) آللّهی تصدیق ائدیر، مؤمن لره اعتماد گوستریر و سیزدن ایمان گتیرن لروچون بیررحمت دیر،آللهین پیغمبرینی اینجیدن کسلر اوچون آغریلی بیر عذاب اولاجاقدیر»0
و اگر من ایسده سئیدم بئله بیر سوزلرین دی یه نلرینین آدلارین دیلیمه گتریب ، و یا اونلارا اشاره ائدم و یا خلقی اونلارا ساری هدایت ائلییم،البته ائلییه بیلردیم، لیکن آنداولا آلله من اونلارین ایشلرینده کرامتیلن رفتار ائتمیشم0....................................................................
بونلارین هامیسی نان بئله، آلله مندن راضی اولماز مگر بوکی اوزادی کی علی حاقّیندا ، آلله منه نازیل ائدیب، یئتیررم، سوئرا بوآیه نی تلاوت  بویوردی  :  « ای  پیغمر ، اوکی  ربّین  طرفیندن – علی حاقّیندا – سنه  گونده ریلیب ،  ابلاغ  ائله  (خلقه یئتیر) ،  یوخساکی  اونین  رسالتین  یئرینه یئتیرمه میسن، و البته آلله سنی جماعتین فتنه و شریندن  قورویاجاق (ساخلیاجاق)»0
(3 )
ای جماعت بیلین کی بو آیه اونون خصوصوندا دیر، اونی درین دوشونون0 و بیلین کی آلله اونی سیزلره صاحب اختیار و امام قرار وئریب دیر، اونین اطلاعتین بیتون مهاجرلره و انصاره و اونلاراکی یاخشی اونلاردان تبعیت ائدرلر(صحابه لردن سورا گلن تابعلره)، اوبالاردا و شهرلرده یاشیانلارا، عربه و عجمه، قول(غلام) لارا و آزادلارا، بویوک لره وکیچیک لره، آغ، قره وهرتک آللّها قائل اولان اوچون واجب ائدیبدی0(آگاه اولون) اونین حکمینین وقولینین اجراسی واجب،وامری نافذدیر0
هرکس اونیلان مخالفت ائتسه آلله درگاهیندان قوولموش دیر0 هر کیمسه اونون سوزونه باخیب و اونی تصدیق ائده ، آللّهین رحمتینده قرار تاپار0پس حقیقتده آلله اونی وهراوکسی کی اونون سوزونه باخیب واوندان اطاعت ائده باغیشلار0...............................................................
ای جماعت بو آخیر دفعه دی کی سیزین ایچیزده (بئله بیر موقعیت ده) ایاق اوسده دورورام0 پس ائشیدین واطاعت ائدین و آلله ، پروردگاریزین امرینه باش ایین، شبهه سیز عزّتلی،جلالتلی آلله دیر کی سیزین صاحب اختیاریز و معبودوزدیر0 اوندان سورا دا اونین رسولی و پیغمبری دیرکی سیزین برابروزده دایانیب و سیزیلن دانیشیر، مندن سوئرا دا سیزین پروردگاریز، آللّهین امری ایله،«علی» سیزین صاحب اختیاریز و امامیزدیر، سوئرا امامت منیم نسلیمدن اونین اولاد لرینده قیامت گونونده آلله واونین رسولین ملاقات ائدنه کیمین دوام تاپاجاق0
هئش بیر حلال یوخدی مگربوکی تکجه آلله و اونین رسولی و اونلار(امام لار آللهین ایذنیلن) حلال ائدیبلر، و هئچ بیر حرامدا یوخدی کی اونی آلله و اونون رسولی و اونلار سیزه حرام ائتمه میش اولالار، عزتلی و جلالتلی آلله حلالین و حرامین منه تانیتدیردی ، منده ربّیمین ئورگتدیقلارینی،ئوز کتابیندان و حلال و حرامیندان هامیسینی اوناتاپشیرمیشام واونین اختیاریندا قویموشام0
ای جماعت، اونی ئوزگه لردن بویوک سایین0 آلله هر بیر علمی منده جمع ائلی ییب ، شبه سیز منده بیتون ئورگندیقیم علم لری امام مبین ده جمع ائتمیشم 0 هیچ بیرعلم ده یوخدکی من اونی علیّه ئورگتمه میش اولام 0اوهمان «امام مبین» دیرکی آلله متعال «یس» سوره سینده اونی ذکر ائدیب و بویوروب : «و بیز هر بیرشیئی(انسانلارین عمل لرین و دنیادا باش وئرن حادثه لری) امام مبین ده، اطرافلی صورتده ساییب و حسابلامیشیق »0
ای جماعت، اوندان ئوزگه سینه طرف منحرف اولمیین ، اوندان اوز چؤیرمیین و اونین ولایتیندن استنکاف ائتمیون، پس اودیر اوکس کی،حقّه طرف هدایت ائدر ، و ئوزی ده اونا عمل ائدر، باطیلی محو ائدر و خلقی اولاردان قورویار (نهی ائدر)0و آلله یولوندا ملامت ائدن لرین ملامتلری اونی یولدان آزدیرماز0 ....................................................................................         او اوّل بیرکس دیرکی آللهه و اونین رسولونا ایمان گتیردی و هئچ کس منه ایمان گتیرماقدا اوندان ایره لی (قاباق)اولا بیلمه دی0او،همانشخص دی کی ئوزجانین، آللهین رسولینا فدا قیلدی0 وهمان کس دی کی، آللهین رسولی ایلن، اوحالدا واریدی کی ، کیشی لردن هیئچ بیر شخص، آللّهی، رسولی ایلن بیرلیخدا اوندان سیوای عبادت ائتمیردی0او جماعتین اوّل ناماز قیلانیدی ، و اول شخص ایدی کی، آللّهی منیلن بیرلیخدا عبادت ائتدی 0 آللهین امریله اونا امر ائتدیم کی(هجرت گئجه سینده) منیم یئریمده یاتا ، پس او جانین منه، فدا ائدرکن (قیلاراق) اوجور عمل ائتدی0
ای جماعت اونی فضیلتلی سایین ، نیه کی آلله اونی فضیلت لندیریب، و اونین رهبریّتین قبول ائلی یین، چونکه آلله اونی منصوب ائدیبدی0
ای جماعت او آلله طرفیندن امام دی 0 وآلله هر بیرشخصین که اونون ولایتینی انکار ائلییه ، هئچ وقت ، توبه سین قبول ائتمز واونی هئچ وقت باغیشلاماز0 آللهین قطعی سنّتی علی نین مخالف اولانلاری بارسینده بودی کی ، اونلاری چوخ عذابلی و قالیرقی عذابینان ، ابدیّت وارکن جزالاندیرا0پس اونیلان مخالفت ائتمکدن قورخون، یوخساکی داخل اولارسیز «بیراودا کی، اونون یاناجاغی و آلیشاجاقی جماعت و داشلاردیلار ، کی حق  برابرینده  دایانانلارا  مهیا اولوب دی»0
ای جماعت آندولا آللهَ ، گئچن پیغمبرلرمینم ظهوروما بشارت وئریب لر0 وایندی ، من تمام پیغمبرلرون آخری و بیتون گوی لرون ویئرلرون مخلوقاتینه حجت و دلیلم0 پس هر کس بو مسئله ده شک ائتسه، جاهلیت زمانینون کفرونه داخل اولوب و هر کیمسه ده کی منیم بو سوزوم ده شک ائتسه ، یقین دی کی بیتون منه نازیل اولانلاردا شک ائد ییب دی0 و هر کیمسه اماملارین بیرینده شک ائده ، اونلارین هامیسیندا شک ائدیب و بیزده شک ائدنئلرین یئری جهنّم اودی دی 0..............................................................................................................
ای جماعت ، الله عزوجل منه منّت قویوب واحسان ائله دی و بوفضیلتی منه عطا ائله دی0 و البته اوندان سیوای هئچ بیرمعبود یوخدیر0 آگاه اولون کی تمام ستایش لرتمام روزگارده و هر حالدا، هر مقامدا(یئرده) تکجه اونا مخصوص دیر0 ای جماعت علی نی هامیدان یوخاری دوتون نیه کی مندن سورا تا او زمانا کیمین کی آلله مخلوق لاری واردیلار و روزی یی ییللّر، آروادّی ، کیشیلی، اودی کی، جماعتون هامیسیندان یوکسک و یوخاریدی0
هم ملعون دی و آللّهین رحمتیندن اوزاخ، هم ده آللّهین غضبی، آللّهین غضبی او کسه کی منیم بوسوزومی قبول ائتمیه و اونی ¬ردّ ائده ،و اونیلان موافق اولمیا0 آگاه اولون جبرئیل منه  آلله دان خبر وئردی کی،آلله بویورور: «هر کیم علیّ نن دوروشا و اونون ولایتینه باش اَیمییه» «منیم غضبیم و لعنتیمه گرفتار اولاجاق»(قدسی حدیث)«و البتّه هرکس گرک گوره کی ئوز گلن گونی قیامتینه نممنه گوندریبدی ــ آلله دان قورخون و تقوا ائلیین و علیّ نن مخالفت ائتمکدن حذرائدین0اُلمیا کی قدم لریز ثابت اولماخدان سورا تیترییه0« همانا الله گوردوغوز عمللره آگاه دیر»0
ای جماعت ، او همان آللهین مجاوری و همسایه سی دی، کی آلله ئوز عزّتلی کتابیندا اوندان یاد ائدیب و اونیلان قارشی دوروب ساواشانلارا بویورور: «تا اینکه مبادا بیرکس (قیامت گونونده) دییه کی ، افسوس کی من آللهین همسایه سی و مجاوری باره سینده قصور ائتدیم. »
ای جماعت قرآندا دقتیلن تدبّر ائدین و اونی درین دوشونون ، اونون محکم آیه لرینده نظر ائدین و متشابه اولان آیه لریندن تبعیّت ائتمیین0 پس آند اولا آللهَ اونون(قرآنین) باطین لرینی و تفسیرینی بیان ائلی یه بیلمز، مگر همان بوکس کی اونون ال قولوندان یاپیشیب و قوزامیشام و اعلام ائدیرم :
هر کیمسیه کی من اونا ولایتیم وار و اونا سرپرستم، بو علی دَ اونا ولّی و سرپرست دی، و، او علی بن ابیطالب ، منیم قردشیم و منیم وصیّمدی . و اونون ولایتی و سرپرستلیقی بیر حکمدی، کی آلله طرفیندن منه گؤنده ریلیب دی0.....................................................................
ای جماعت ، همانا علی و اونون نسلیندن اولان منیم پاک اولادلریم، ثقل اصغر، و قرآن، ثقل اکبردی0 بو ایکی، ده یرلی مصاحب لر، هر بیری او بیرسیندن خبروئرن و ئوز مصاحبین تایید ائدندی،و کوثر حوضوندا منه یئتیشه نه کیمین، بیربیرلریندن آیریلمازلار0
آگاه اولون اونلار آللّهین یئر یوزونده کی امانت دارلاری و آللّهین یئرینده ، اونون طرفیندن اولان حکم دارلری دیلر0
آگاه اولون کی من قطعاً ئوز وظیفه می ادا ائتدیم0 بیلین کی من عُهدم ده کین یئتیردیم0 و سیزلرون قولاخ لاروزا ائشیدّیریب و آیدین بیانیلان روشن ائتدیم0 آگاه اولون کی(بو) آللّهین سوزیدی کی من اونون طرفیندن دئدیم0
بیلین و آگاه اولون کی بو قردشیم دن سیوای گرکمزکی هئچ کسه «امیرالمومنین» خطاب اولونا، بیلین مندن سورا،مؤمینلرین امیرلیغی اوندان سیوای هئچ کیمسیه یه روا ده ییر0 .
(4)
پیامبر علی نین الیندن یاپیشیب قوزاییب و هر ایکی الی نی گویه طرف آچیب ، علی نی یئردن قالخیزدی، او حدّده کی علی نین ایاقلاری پیامبرون دیزلرینن مقابل اولدی وسورا بئله بویوردی : ای جماعت کیم سیزه ئوزوزدن و ئوز نفسوزدن(اولی بنفس و) یاخین راخدی؟ دئدیلر: الله و اونون پیغمبری  0.................................
پس بویوردی: آگاه اولون  هر کیمسیه کی من اونا اولی به نفس و سرپرستم ، پس بو علی اونا سرپرست و (اولی به نفس) دی0
بار پروردگارا هر کیمسه نی کی اونون ولایت و سرپرست لیغین قبول ائده دوست دوت و هرکیم اونیلان دشمن چیلیغ ائلی یه اونیلان دوشمن اول.اونا کُمه لیغ ائدنه کمک اول و اونی تک قویانی ، تک قوی .
ای جماعت بو علی دی، منیم قردشیم، وصیّیم ،و مندن سورا منیم عِلمیمی ساخلیان و منیم امّتیم ده و منه ایمان گتیرنلر ایچینده و آللّهین کتابینون تفسیرینده منیم جانشینیم دی، او، آللّهین کتابینا دعوت ائدن و اونون راضی اولدوقلارینا عمل ائدن و دشمن لرینن ساواشان دی، او آلله اطاعتینه دایاخ واونون معصیتیندن نهی ائدندی0
او آللّهین امریلن ، آللهین رسولینین جانشینی، مومن لرین امیری و هدایت ائدنلرین پیشواسی دی. او عهدلرین سیندیرانلار و دوزلوخدان اوز چوندرنلر، و دیندن خارج اولانلاریلان ساواشاندی . آلله تعالی بویورور: «منیم امریم چونده ریلمز»0
پروردگارا سنین امروولن دییرم :
بارالها، اونی دوست دوتانلاری دوست دوت و اونین دوشمن لری ایلن دوشمن اول و اونون کمه لرینه کومک اول . اونی خوار ائدنلری خوارائت واونون کمگیندن مضایقه ائدنلری ئوز باشلارینا بوراک  ، الهی اونی انکارائدنلره ، لعنت و اونین حقّین دانانلارا غضب ائت0...........................................................................................................................................
پروردگارا سن ئوزون بوگونه خاطیر، و اونون ولایتینین بیانیندا، و اونی بوگونده بو منصبه نصب ائتماقدان خاطیر ،بو آیه نی ولیّون، علینین باره سینده نازیل ائله ییب و بویورموسان :
« بوگون، سیزین دینیزی کامیل  و نعمتی  سیز لره تمام  ائتدیم و بوایسلامی سیزه دین اولماقا،
راضی اولدیم »
وبویوردون: «هر کیمسه ده کی بو ایسلام دینیندن سیوای آیری دین آخدارا، اوندان قبول اولمیب و آخرت ائوینده اوتوزموش زیانکار لاردان اولاجاخ»0
بارالاها ، شاهد اول، کی سنین پیغامیوی جماعته یئتیردیم0
(5)
ای جماعت ، الله سیزین دینیزی اونون امامتیلن کامیل ائتدی0 پس هر کس کی اوندان و اونین یئرینده اوتورانلاردان ، کی منیم بالالاریم ، و اونون صولبوندن دیلر، قیامت قورولونجا و آلله تعالی محضرینده عرضه اولاناکیمین اطاعت ائتمه سه «پس اولار اوکس لردیلرکی دنیا و آخرت ده عمل لری نابود اولوب و جهنّم اودوندا ابدی قالاجاخلار» ، «نه عذابلاریندان بیر شی آزالار و نه مهلت وئریلمیش اولالّار»0.........................................................................................
ای جماعت، بو، علی دی  هاموزدان آرتیخ منه کمک لیق ائدن( کمک چیل)،و هاموزدان آرتیخ منه حقّی اولان ، هاموزدان منه یاخین، و هاموزدان منه عزیز دی0آلله عزّوجل و من اوندان راضیوخ0 قرآن داهئش بیر رضایت آیه سی یوخدی کی اونون باره سینده اولمیا، آلله قرآنیندا هئش یئرده ایمان گتیرنلریلن دانیشمییب ، مگر بوکی اونی علی ایلن باشلی ییب (و اوّل شخص او خطاب دا علی نی نظرده آلیب)0 آلله قرآنیندا هئش بیرآیه نازیل ائله مییب کی او آیه ده بیرین ستایش ائله میش اولا، مگر بوکی او آیه اونون باره سینده گونده ریلیبدی،آلله تعالی (هل اتی علی الانسان) سوره سینده اوندان سیواینون بهشته گئتمه سینه شهادت وئرمییب و او سوره نی اوندان  سیواینون  حاقّیندا  نازیل ائتمییب و اوندان  غیرین  اوردا ستایش قیلمییب دی0
ای جماعت، او آللّهین دینینین کمکی و اونون رسولوندان دفاع ائدندی0او، پاک، پرهیزکار و هدایت اولونموش هدایت ائدندی0
سیزین پیغمبریز تمام انبیادن یوخاری و اونون وصی سی بیتون اوصیاءدن یاخچی و اونون اولادلری، تمام اوصیادن یوکسک (یوخاری) دیلر0
ای جماعت هر پیغمبرین بالالاری ئوز نسلیندن دیلر و منیم بالالاریم علینین صولبوندن واونون نسلیندندیلر0
ای جماعت بیلین، ابلیس آدمی بهشتندن حسادته خاطیر خارج ائتدی ، سیزده اونا(علییه) حسادت ائتمیین، مبادا عمل لروز هئچ اولوب و قدم لروز سوروشه0 همانا آدم بیر خطایه گوره یئریوزونه هبوط ائله دی، اوحالداکی او آللّهین انتخاب اولموش(سئچیلمیش)بنده سیدی، ایندی سیز نه جو اولابیلرسوز، اوحالداکی سیز، سیزسیز و آلله دشمن لریندن ده سیزون ایچوزده واردی0.........................................................................................................................
آگاه اولون علیّنن دوشمن چلیق ائتمز، مگر شقیّ و بدبخت اولان و علینین ولایتینه پرهیزگارلاردان سیوایی باش ایمز، و اونا،خالص اولونموش مومن لردن سیوای، بیرکس ایمان گتیرمز0
آنداولا آللهَ «عصر» سوره سی علی بارسینده نازیل اولوب کی: «رحمن و رحیم آللّهین آدینان، آندولا زمانا،کی انسان زیاندادی»، مگر علی ،کی ایمان گتیریب ،و حقّ و صبره راضی اولوبدی0
ای جماعت آللّهی شاهد دوتوب و رسالتیمی اونین پیغامین یئتیرماخدا، سیزه یئتیردیم و «ائلچینین (پیام یئتیره نین) پیغامین یئتیرماخدان  سیوای بیر وظیفه سی یوخدی»0
ای جماعت، «آلله دان قورخون نئجه کی شایسته دی و حتماً ایسلامه تسلیم اُلمامیشدان ، ئولمیون».
(6)
ای جماعت،« آللهَ ، و اونون رسولی و او ایشیقاکی اونیلان ، بیرلیقدا ، نازیل اولوبدی ایمان گتیرین»، «اوندان  قاباخ کی سیزین اوزلریزی  محو ائدیب و دالیا چوندرک  یا سیزه » «لعنت و عذاب گؤندرک اوجورکی اهل سَبته ( اوکسلرکی شنبه گونونین احترامینی ساخلامیردیلار) لعنت و عذاب گؤندردوخ»0.............................................................................  
آنداولسون آلله ، آللّهین منظوری بو آیه ده ، اودسته صحابه لردیلر کی اونلاری ، آدلاری و نسب لریلن تانیرام، لیکن ایشلرینین اوسدین ئورتماغا امر الونموشام0 پس گرکدیر هرکس،ئوزعملینین اساسین ، اومحبت یاعداوت کی ئوزقلبینده علیّه نسبت تاپیر قراروئره ]و گرکدیر بیلسین کی اونین عملینین ارزشی اومحبته باغلیدی[0
ای جماعت ، (هدایت)ایشقی، اَللهِ عزّوجلّ طرفیندن، (اوّلجه) منده  و (مندن) سورا،  علی ده و( اوندان) سورا ، اونین نسلینده، تامهدی قائم(عج) ، یعنی همان کس کی آللّهین و بیزیم حاقّیمزی آلاندی ، قؤیولوبدی0چون کی، اللهِ عزّوجلّ،تمام دنیانین اهلیندن ، بیزلری ،  بیتون مقصّر لره، عناد ائلی ین لره، مخالف لره، خیانت ائلیینلره، گناه کارلارا، ظالم¬لره و غاصب لره، یؤل گؤسترن و حجّت قرار وئریب دی0
ای جماعت، من سیزی انذار ائدیرم (آییلدیرام) «همانا کی من آللّهین رسولی ام ، مندن ایره لی ده (قاباخجا) آیری رسول لار گلیپ و گئدیبلر، پس آیا اگر من ئولسم یا ئولدورولسم ، سیز ئوز بابالاریزین مذهبینه دالی قئییدرسیز؟ سیزدن هرکس ده کی دالی قئییدیب (و مرتّد اولسا) ، آللهَ بیر ضرر یئتیره بیلمز و آلله  شکر ائدن لره خیر جزاسی وئره جک دی»(صبرائدنلر)0
بیلین و آگاه اولون کی، او علی دی کی صبر و شکریلن توصیف اولونوب و اوندان سورا دا منیم بالالاریم اونون صولبوندن(نسلیندن) دیلر( که او صفت لره دارادیلار)0.................
ای جماعت، ایسلامه ایمان گتیرماغوزا خاطیر منه منّت قویمیین، بلکه آللهَ ده منت قویمیین، چون عمل لریزی محو ائدروسیزه غضبلنر و «سیزلری توسدو سوز اود شعله لرینه و الولانمیش میس پارچالارینا گرفتار ائدر» «حقیقتاً ده سیزون پروردگاریز اونلارا نظارت ائدر»0
ای جماعت مندن سورا تئزلیخجا حتماً «رهبرلری کی جهنّم اودونا طرف چاغیرانلار اولالّار و قیامت گونی (هئچ بیرشفاعت ائلی ین وسیله سیله ) کومک لیخ اولونماز لار» اولاجاخلار0
ای جماعت، بیلین کی، آلله و من اونلاردان بئزاروخ0
ای جماعت، اونلار، و اونلارین کمکلری، واونلارین تابع لری و اونلارین پیرولاری، «جهنّمین یاپ اشاقی طبقه سینده دیلر» و «تکبّر لولرین یئری چوخ پیس بیریئردیر»0
بیلین ، شبه سیز اونلار صحیفه اصحابی  دیلار، پس گرکدیر سیزلردن هرکس ئوز صحیفه سی نه نظر ائده0
(راوی)دییر:(او وقت کی آللّهین پیغمبری صحیفه اصحابینین آدین¬گتیردی،جماعتین چوخلاری او حضرتین بوسوزدن منظورون بولمه ییب واونلارا سئوال یاراندی و) تکجه جماعتین آزجاسی او حضرتین نیّتین درک ائتدیلر.
ای جماعت، شبهه سیز من قیامت گونونه قدر، امامتی ئوز نسلیمده ارث قرار وئردیم0 ............
حقیقتده من  ئوز مأموریتیمی آللّهین امرینین یئتیرماقیندا عمل ائتدیم، تا هر حاضیر و غایبه و هر بیر شخصه کی شاهددی یا دَییر، دوغولوب یا دوغولمیوب، حجّت اولسین 0 پس هر حاضیر شخص ، غایب اولانلارا و هر آتاوآنا، ئوز بالاسینا  قیامت گونونه قدر، بو مسئله نی یئتیرمه سی، گرکدیر0
مندن سورا امامتی، پادشاه لیقینان دییشیب و اونی غصب ائدرلر0 آلله چاپقینچی غاصب لره لعنت ائتسین ، و البته، «او وقت ده، ای ایکی دسته جنّ و انس، سیزین حسابیزایئتیشماغا فارغ اولار، اوکس کی فارغ اولار، و« سیزه طرف توستی و اود و الولانمیش  میس پارچالاری گونده رر، پس او وقت ده ئوزوزدن مدافعه ائده بیلمیه جک سیز»0
ای جماعت، شبهه سیز، عزیز و جلالتلی آلله ، اوجوره کی ایندی سیز وارسیز (و مومن و منافق بیرلیخدا یاشیرسیز) ، سیزی ئوز باشیزا ، ئوتورمز، تا ، خبیث لری پاک لاردان آییرا و آلله سیزه غیبی بیلدیرن دییر0
ای جماعت شبهه سیز، هئش بیر یئر یوخدی کی، قیامتدن قاباخ، اهلینین (حقّی) تکذیب ائتدیقلارینا خاطیر، آلله اولاری هلاکته چادّیرمیوب و او یئری  امام مهدینین مُلکونه داخیل ائتمیه، دوغروسودا آلله ئوزوعده سینه عمل ائدن ¬دیر0......................................................
ای جماعت، حقیقت ده، سیزدن ایرَه لی «گئچمیش قوم لارین چوخلاری» گمراه اولدولار و آلله دوغوردان او گئچن¬لری هلاک ائتدی0 و او گله جکده گلن لری ده هلاک ائدن دیر، آلله تعالی بویورور : «آیا بیز گئچمیش قوم¬لاری(کفر¬لرینه خاطیر)هلاک ائتمه دیک؟ سونکی قوم¬لاری دا اونلارکیمی هلاک ائتدیک. بیز، مجرملری و گناهکارلاری بونوع عذاب ائد¬ریک، وای اولسون، اوگون، تکذیب ائدنلرین حالینا»0
ای جماعت شبهه سیز آلله حقیقتاً منه امر و نهی ائتدی و من آللّهین امریلن، علیّه، امر و نهی ائتدیم0 پس امر و نهیین علمی اوندادیر0 پس اونون امرینه قولاخ آسین و اونا تسلیم اولون و اوندان اطاعت ائدین، تا هدایت اولاسیز، و او، نهی ائتدیقلاریندان، اوزاق اولین، تا دوز یولا هدایت اولاسیز، و اونین ایسده دیقلارینا طرف گئدین، و یوللارین جوره به جوره اولماسی، سیزی، علی یولوندان دیدرگین (پراکنده) سالماسین0

(7)
ای جماعت ، من، آللّهین اوصراط مستقیمی ¬ام کی، آلله اوندان تبعیت ائتماقی،سیزلره ، امرائدیب ، (و) مندن سورا ، علی(بوجوردی)0 و اوندان  سورا ، هدایت  اماملری (پیشوالری) ، منیم اولادلریم، علینین صولبوندن ، حقّه طرفه هدایت ائدن دیلر و عدالتیلن حکم ائدرلر0................................................................................................
سورا مبارک حمد سوره سین قرائت بویوردی : « بِسْمِ اللَّهِ الرَّحْمنِ الرَّحيمِ (1)الْحَمْدُ لِلَّهِ رَبِّ الْعالَمينَ (2)الرَّحْمنِ الرَّحيمِ (3)مالِكِ يَوْمِ الدِّينِ (4)إِيَّاكَ نَعْبُدُ وَ إِيَّاكَ نَسْتَعينُ (5)اهْدِنَا الصِّراطَ الْمُسْتَقيمَ (6)صِراطَ الَّذينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَ لاَ الضَّالِّينَ (7)»0
و بویوردی:آنداولا آلله بوسوره، منیم بارمده نازیل اولوب، واونلارا شامیل اولور و اونلارین  خصوصیندادی0 اونلاردیلار، آللّهین او دوسلاری کی اونلارا نه قورخی وار ، نه ده محزون اولالّار0 «بیلین و آگاه اولون، شبهه سیز آللّهین قوشونی، غالب دیر»0
آگاه اُلین شبهه سیز ، اُنلاریلان (اماملارین) برابرینده، دوروشانلار، یول آزمیشلار  وشیطانین قردشلریدیلر،کی بعضی لری ، بعضی لرین آلداتماخدان خاطیر، خوش ظاهر و بی اساس سؤزلر، دییرلر0
بیلین ، شبهه سیز اونلارین دوسلاری، اوکس لردیلرکی، عزّتلی و جلالتلی آلله، ئوز کتابیندا، اولاردان یاد ائدیب و بویوروب :
«(یا پیغمبر) هیچوقت آللّها و آخرت گونونه ایمان گتیرن جماعتی تاپمازسان کی آللّهین و پیغمبرین دشمنلریله دوست اولالار، هرقدر کی اونلارین آتالاری یا اولادلری و قارداشلاری ،و یاخین فامیل لری اولا0 الله تعالی ایمانی اوجماعتین اوره گینده ثبت ائدیب و ئوز روحی ایله اونلاری مویّد و منصور ائدیب دی (و قیامت گونی) اونلاری بهشت باغلارینا داخل ائدر کی ایچلرینده چایلارو سولار آخیر و همیشه لیک اوردا یاشیاجاقلار0...................................... الله تعالی اونلاردان راضی و اونلاردا الله وئرن نعمت لردن راضی و خوشحال اولاجاقلار، اونلار الله حزبی دیلر،بیلین و یقین ائدین کی آلله فرقه سی، نجات تاپاندیلار.»
بیلین شبهه سیز اونلارین دوسلاری او مؤمن لردیلرکی، عزّتلی و جلالتلی آلله اونلاری توصیف ائدیب و بویوروب : «اوکس لر کی ایمان گتیریب و ئوز ایمانلارین ظلم ایلن قاریشدیرمی ییبلار، امن ده اولماق اونلارین حقّی دیر و اونلاردیلارکی هدایت تاپیب لار»0
آگاه  اولون اونلارین  دوسلاری ایمان گتیرنلردیلر و هیچ  وقت  شک  و  شبه ائدمیب لر0
آگاه اولون شبه سیز اونلارین دوسلاری سلامت لیک و امن و امانلیق حالیندا بهشته داخیل اولارلار، و ملک لر، اونلاری سلامینان ملاقات ائدیب و دییرلر ، سلام اولسون سیزلره که پاکلانیبسیز، بهشته داخیل اولون کی اوردا همیشه لیق قالاجاقسیز0
بیلین و آگاه اولون ، شبهه سیزبهشت اونلارین دوسلارینیندی0 و اوردا سایسیز، حسابسیز ، روزی وئریله جک لر، بیلین ، شبهه سیز اونلارین دشمنلری اوکس لردیلرکی جهنّم اودونا داخیل اولارلار0
آگاه اولون ، شبهه سیز اونلارین دشمنلری، جهنّمین قاینارحالیندا نریلتی سین إشیدَرلر و اونون هنیرتی سین گوررلر0
بیلین شبهه سیز اونلارین دشمنلری اوکس لردیلرکی آلله اونلارا راجع بویورور:
«هر طایفا جهنّمه داخیل اولدوقجا ئوز یولداشلارینا(دین تاشلارینا) لعنت ائدر. نهایتده، هامیسی بیریئره ییغیشان کیمی، سوندا کیلار (تابع لر) قاباق کیلار (رهبرلری) بارسینده ،  دئیرلر:پروردگارا  بونلار بیزلری آزدیردیلار، اونلارین عذابین جهنّم او دوندان ایکی  قات ائله ، (الله) بویورار: هر بیری اوچون عذاب جوت قات دی و لکن بیلمیرسیز»0.................................
بیلین و آگاه اولون که شبهه سیز اونلارین دوشمنلری اوکس لردیلرکی عزّتلی و جلالتلی آلله بویورور:
«هر هانسی بیر دسته جهنّمه آتیلدیقلاری زمان ، جهنّمین گوزتچیلری( مأمورلاری) اونلاردان سوروشار، آیا سیزین هدایتیزدن خاطیر خبردارلیق وئرن پیغمبر گلمه میشدی؟ اونلار دییرلر حقیقده بیزه بیر خبردارلیق وئرن(پیغمبر)گلمیشدی اما بیزاونی تکذیب ائتدیک ودئدیک: «آلله  هئش بیر شئی نازل ائتمه ییب، سیز آنجاق بؤیوک بیر ضلالت ایچینده سیز». تا او یئره کیمین کی بویورور: «جهنّم اودونین اهلینه لعنت اولسون»0
بیلین اونلارین دوسلاری، اوکس لردیلرکی ، (خلوتده) ئوز ربّلریندن  قورخارلار باغیشلانماق و بویوک اجر  اونلار اوچوندی»0
ای جماعت نه قدر اود اَلولاریلا، بویوک اجر آراسیندا فاصله وار0
ای جماعت، بیزیم دشمنیمیز اوکسلردیلرکی آلله اونلاری پیسلییب و لعنت ائدیب ؛ وبیزیم دوسلاریمیز هر اوکس لردیلرکی آلله اونلاری یاخچلیب و اونلارا محبّتی وار0
ای جماعت، آگاه اولون، شبهه سیز من خبردارلیق وئریب ، قورخودانام، و علی موشتولوخ وئرندی0
ای جماعت، بیلین ، من (قیامتین خطرلریندن) قورخودانام و علی دوغرویول گؤسترندی(هدایت ائدندی)0
ای جماعت، بیلون شبهه سیز من پیغمبرم ، علی ده منه وصّی( جانشین)دی0
ای جماعت، بیلون شبهه سیز من رسولام (آلله طرفیندن گؤنده ریلمیشم) و علی مندن سورا منیم وصّییم و (آلله طرفیندن) ، امام(رهبر)دی، اوندان سورا کی امام لاردا اونون بالالاریدیلار0
بیلین و آگاه اولون کی شبهه سیز من  اونلارا  والدم لیکن اونلارعلینین نسلیندن دیلر0
(8)
آگاه اولون، شبهه سیز آخیر مینجی امام، «قیام ائلی ین مهدی» (مهدی قائم) بیزدن دی0
آگاه اولون، شبهه سیز او تمام دینلره ظفر تاپیب و پیروز اولار0
آگاه اولون، شبهه سیزظالم لردن انتقام آلان، اودی0
آگاه اولون، شبهه سیز قلعه لره ال تاپیب آچان و اولاری داغیدان اودی0
آگاه اولون، شبهه سیز اودی بیتون مشرک قبیله لرینه ، ظفرچالان( غالب اولان) و اونلاری هدایت ائدن(دوزیولی گؤسترن ) دی0
آگاه اولون، شبهه سیز، او، تمام اولیاءَ اللّهین قانلارینین انتقامین آلاندی0
آگاه اولون، شبهه سیز آللّهین دینینه کمک اولان اودی0
آگاه اولون، شبهه سیز اودی درین دریالردن دولی پیمانه لرگوتورن0
آگاه اولون، شبهه سیز او هر فضیلت صاحبینه، فضلی قدر و هر جاهیله، جهلی قدر، نشانه وئرر0
آگاه اولون، شبهه سیز، او آللّهین سئچیلمیشی و بَیَنیلمیشی دی0
آگاه اولون، شبهه سیز، او بیتون بیلگی لره (علم لره) وارث و بیتون دوشونجه (فهم) لره احاطه¬سی وار (حاکم دی)0
بیلین و آگاه اولون، شبهه سیز او پروردگارینین طرفیندن خبروئریر و اونون آیه لر و نشانه لرین یوکسلدیر (اوجالدیر و اقامه ائدیر)0.........................................................................
آگاه اولون اودی حقّه هدایت اولونموش و استقامت لی(محکم)0
بیلین و آگاه اولون، شبهه سیز اودی اوکس کی (بیتون دنیا جماعتینون دین و دنیا اموراتی) اونون اختیاریندا قویولوب0
آگاه اولون، شبهه سیز، اودی اوکس کی بیتون گئچمیش (پیغمبرلر) تاریخ بویوندا اونین ظهورونا مشتولوخ وئریب لر0
آگاه اولون، شبهه سیز قالیرقی تکجه اودی و اوندان سورا هئچ بیر حجّت یوخدی، هئچ حقّین اونسیز وجودی یوخدی و هئش(حقیقت) ایشیقلیقی اونون کناریندان سیوای (بیرکس کناریندا) یوخدی0
آگاه اولون، شبهه سیز، نه اونا بیرکس ظفرچالا بیلر (پیروز اولار) و نه اونون قاباغیندا دوران بیرکسه کمک لیخ اولونار (اونیلان قارشی دوران یاردیملانماز) (اونیلان ساواشانا کمک لیخ اولونماز)0
بیلون و آگاه اولون، یئریوزونده آللّهین ولی سی (اوولا به نفس اولان ولیّ الله) و اونون خلقی ایچینده (حقّیلن) حکم ائدن و (امر لرینون) امانت داری، گیزلینینده و آشکاریندا (فقط) اودی0
(9)
ای جماعت، شبهه سیز، من آللّهین امرین سیزه آیدینلادیب و دوشوندوردوم 0 مندن سورا دا، بو علی دی کی سیزی دوشوندورر0
ایندی من خطبه مین آخیریندا سیزدن ایسدیرم کی (اوّلجه) منیلن و سورا، علیّ نن، اونین (امامتینه و خلافتینه ) بیعت و اقرار اوچون ، منیلن و اونیلان  ال وئریب  بیعت  ائده سیز0...........................................................................................................................................
بیلین حقیقتاً من آللّهیلن بیعت ائدیرم و علی ده منیلن بیعت ائدیر0 و من اون اوچون، آلله طرفیندن بیعت آلیرام0 «حقیقتاً سنه بیعت ائدنلر، اصلینده آللّها بیعت ائدیرلر؛ (سنین) اونلارین الینین اوستونده (الین) آللّهین الی دیر0 بوناگوره ده کیم عهدین پوزسا، تکجه ئوز زیانیناپوزور، و کیم آللّهیله باغلادیقی عهدینه وفا ائتسه، (آلله) تئزلیکله اونا بؤیوک بیر اجر وئره جک دیر»0
(10)
ای جماعت، شبهه سیز، حجّ و عمره آللّهین (علامت و) نشانه لریندن دیر، «و هر کس حجّ (واجب) یا عمره یئرینه گتیره، اونون اوچون روادیرکی اوایکی سینه (صفاومروه داغلارینا میل و رغبتیلن) طواف ائده، و مسلّماً هر کیمسه رغبتیلن یاخچی بیرعمل(آلله دان خاطیره اولان مستحبّی عمل لر) انجام وئره، مسلّماً آلله قدر بیلن و عالیمدیر»0
ای جماعت، آللهین بئیتین زیارت ائدین (حجّ زیارتین یئرینه گتیرین)، پس هئچ بیر ائوین اهلی اورا (آللهین بئیتینه) وارد اولماز الاّ بوکی غنیّ اولار و اونا موشتولوق وئریلر، هئچ کس ده اوردان اوز چؤندرمز مگر بوکی بهره سیز و فقیراولار0..................................................
ای جماعت ، هئچ بیر مؤمن ، موقف لرین بیرسینده (عرفات، مشعر و مناده ) دایانماز، الّا بوکی آلله تعالی اونون گئچن گوناهلارین باغیشلار، و او زمانکی حجّی باشا چادّی (پاکلانمیش پرونده ایلن زندگانالیخ) عمل لرین تازاشدان باشلار0
ای جماعت حجّ ائدنلر بیر کمک لیخ اولونموشلار دیلار،کی اونلارین خرج لری اونلارا وئریلر« و حقیقتاً آلله یاخشی ایش گورنلرین مکافاتینی ضایع ائتمز»0
ای جماعت، آللّهین بئیتین کامیل دین و درین دوشونجه ایله زیارت ائدون و زیارتگاهلاردان توبه سیز، و گوناهلاردان قئییتمه میشدن سیوای، قئییتمیین0
ای جماعت، ناماز قیلین و زکات وئرین ، اوجوره¬کی عزّتلی و  جلالتلی آلله امرائدیبدی، پس اگر سیزاوچون چوخ زمان گئشدی ، و قصور ائتدیز یا ، یاددان چیخاردیز، پس علی سیزین صاحب اختیاریز و سیزاوچون (دین معارفین) بیان ائدندی ، همان کس کی عزّتلی و جلالتلی آلله ، مندن سونرا سیزه (امام) ، و خلقی ایچینده (آرا) امانت دار  قرار وئریبدی0 شبهه سیز اومندندی و منده اوندانام0
او(علی) و منیم اولادلریم ، اونین نسلیندن ، سیزین سوروشدوخلاریزا (سورگولاریزا) جواب وئررلر و بیلمه دیخلاریزی سیزه بیان ائدرلر0
آگاه اولون شبهه سیز، حلاللار و حراملار اوندان آرتیخ دی، کی من بیرمجلسیده اونلاری سیزه ساییب، تانیتدیرام، یا حلال لاراسیزی امر، و حراملاردان سیزی نهی ائدم پس (بوناگوره)امراولونموشام، اَل لریزی الیمه آلیب و آلله طرفیندن گلنلرین قبولونا، امیرالمؤمنین علی، ......................................................................................................................................... و اوندان سورا کی وصّی لر خصوصوندا، کی مندن و اوندان دیلار، سیزدن بیعت آلام0
امامت اونلاردا اوگونه کیمین کی قضا و قدر آللّهین ملاقات ائدلر دوام تاپار، و اونلارین آخری «مهدی»دی0
ای جماعت هر بیر حلال یا حراما کی من سیزلری هدایت ائتدیم، یا سیزی اونلاردان نهی ائتدیم (قورودوم)، هئچ بیرزمان نه اونلاری چؤنده ررم، نه ده اونلاردان قئییده رم0
آییق اولون و بوسوزی یادوزدا ساخلیین و اونی حفظ ائلی یین،و بیربیرلریزی اونا سفارش ائدین، واونی، نه چؤورین ، نه دَییشین0
آگاه اولون حقیقت ده من سؤزومی بیر دفعه ده تکرار ائدیرم، آییق اولون0 نامازی اقامه ائدین ومالیزین زکاتین وئرین ،یاخچیلیق(معروف)لارا بیربیرلریزی امرائدین و پیسلیق (منکر)لاردان بیربیرلریزی نهی ائدین (قوریین)0
بیلین کی بیتون یاخچی لیخ لارا امر ائله ماخ و تمام پیسلیق لاردان نهی ائتماقین اوّلی منیم سؤزومه (امامت باره سینده) چاتماخ و اونی غایب لره یئتیرماخدی، کی اونی قبول ائتماقا، توصیه ائده سیز و اونیلان مخالفت ائتماقدان، نهی ائده سیز،قطعاً بو مسئله منیم و عزّتلی ، جلالتلی آللّهین امری دی0 حقیقت ده معصوم امامسیز، نه یاخچلیخ لارا امر ائتماخ، و نه پیسلیق لاردان قوروماخلیق (نهی ائتماق) کماله چاتماز0
ای جماعت، قرآن سیزه تانیتدیریر کی، اوندان سونرا گلن امام لار اونین اولادلری دیلر و منده سیز لره تانیتدیردیم کی اونلار مندن واوندان(علی)دیلار، نئجه کی آلله ئوز کتابی قرآندا بویورور:«و اونی(امامت امرین)، اونون نسلینده قالیرقی بیرکلمه قرار وئردیک»0..............
منده سیزه دئمیشم : نقدرکی اوایکیسی(یعنی قرآن واهل بیت) اتکلریندن یاپیشیب سیز(دوز) یولدان آزمیاجاقسیز0
ای جماعت، (آللّهین عذابیندان) چکینین و قیامت گونوندن  قورخین ، نئجه کی عزّتلی و جلالتلی آلله بویوروب : «حقیقتاً قیامتین زلزله سی چوخ بویوک بیر امردیر»0
ئولومی ، قیامتی ، حساب( و کتابی) ، میزان (ترازیلارین)، و عالم لر ربّینین برابرینده محاسبه نی، مکافات (ثواب) و عذابی چوخلی یاد ائلی یین0
پس (قیامت گونونده)« هر کیم یاخشی (عمل لر)گتیره »، یاخشی مکافات وئریرلر و «هر کیمسه پیس (عمل لر) گتیرسه» اون اوچون بهشت دن بیربهره یوخدی0
(11)
ای جماعت، سیزین ساییز اوندان چوخ دی کی ، هاملیخجا بیرزماندا منیم بیرالیمینَن بیعت ائده سیز، ( اونا خاطیر ده )، عزّتلی و جلالتلی آلله منه امرائدیب، تا سیزدن  دیل لریزینَن  اقرار آلام اوزاداکی امیرالمؤمنین علی و اوندان سورا گلن امام لارا کی مندن و اوندان دیلار،او ناکی اعلام ائتدیقیم کیمین، کی منیم  بالالاریم دیلار ، اونون  نسلیندن، سیزیلن عهد باغلییب  و او  پیمانی برکیدم0..............................................................................................................
پس هامیلیخجا بئله دیین :
«محققاً بیز ائشتدیک و اطلاعت ائدیریک، راضیوخ و اونا بویون اییریک0 و هر اوشی دَکی، سن پروردگارین و پروردگاریمیزین طرفیندن، امامیمیز علی و اونون اولاد لریندن اولان ا ماملارخصوصوندا بیزه یئتیردین0
سن ایلن ، اورگیمیز، جانیمیز، دیلیمیز وال لریمیزایلن عهدباغلیریخ ،بومعاهده ایله دیرییک واونیلان اُلریک، اونیلان(قبردن)باش قؤزاریخ وهئش وقت اوندان چونمه ریک0شکّ  ائتمریک ، انکار ائتمریک  و  باغلادیقمیز  عهدیمیزدن ال چکمه ریک »0
(یارسول الله) سن آللّهین امریله بیزی، امیرالمومنین علی واو امام لار کی، اوندان سورا،سنین واونین نسلیندندیلر،یعنی حسن وحسین واونلاردان  سورا  قرار وئردیقین  اماملار، کی آلله ، اونلاری تعیین ائدیبدی موعظه ائتدین0
پس اونلاراوچون بیزدن، اورگیـمیز،جانیمیز،دیلیمیز ، روحیمیز، و ال لریمیزایلن، عهدوپیمان آلیندی0 هرکیمسه باشاردی الی ایله یوخسادیلی ایلن ، عهد باغلادی هئش وقت عهدیمیزی چوندرمریک وآلله بیزیم نفسیمیزدن ، سوزدن چونمک ، گورمیه جک0................
بیز بو امری سندن، ئوز اولادلریمیز و ائل طایفامیزین یاخینلارینا و اوزاقلارینا یئتیره ریک، وآللّهی دا اونا شاهد ، دوتاریخ «و آللّهین شاهد اولماسی کفایت (ائدر)، سن ده  بیزه بو ایشده شاهد اول0
ای جماعت،نه دییرسیز؟ شبهه سیزآلله هرسسی ائشیدیر،  و  اورک لرده  اولان گیزلین سوزلری بیلیر0 « بئله لیک له کیم دوغرویولا گلسه ، حقیقتاً ئوز خیرینه دوغرویولاگلیر و کیم آزسا ، مطلق ئوز،زیانیناآزیر» 0هر کیمسه بیعت ائده،شبهه سیز آللّه ایلن عهد باغلیر ، «(وسنین) اونلارین الینین اوستوندکی(اَلین) آلله اَلی دیر»0
ای جماعت ، آللّه ایلن ، منیلن و امیرالمومنین علی و حسن و حسین ایلن و اونلارین نسلیندن اولان امام لاریلان، کی دنیا و آخرت ده قالیرقی بیرنشانه لردیلربیعت ائدین0 آلله هر کیمسه نی کی حُقّّا بازاولا هلاک ائدر و عهدینه وفا ائلیینلره رحم ائدر0
و«بونا گوره ده کیمسه ، عهدی پوزسا، تکجه ئوز زیانینا پوزور، و کیم آللّهیله باغلادیقی عهد  باره سینده کی شی¬ءَ  وفا قیلسا، (آلله) تئزلیکله اونا بویوک بیر اجر وئرر»0
ای جماعت سیزه دئدیگیمی  دییون و علیّه  امیرالمومنین لقبیله سلام ائدین؛ و دییون : « ائشیتدیک و اطاعت ائتدیک ، ای ربّیمیز سنین باغشلاماقیوی دیله نیریک ؛  هامینین قاییدیشی سنه طرف دیر»0........................................................................................................
و دییون :  «  بیتون حمد و ستایش لر ، بیزی ، بو (گوزل یئره) هدایت ائدن  آللهَ مخصوصدی0واگر آلله، بیزی هدایت ائتمه سئیدی ، بیز ئوزوموز، هدایت تاپا بیلمزدیک »0.....
ای جماعت ، علینین فضیلت لری آلله یانیندا ،  نازیل ائله دیگی قرآندا ،  اوندان آرتیخ دی کی من اونلاری بیردفعه ده سایا گتیرم ، پس کیمسه اونلاردان سیزه خبروئرسه و اونلاری تانیسا اونی تصدیق ائدین0
ای جماعت ، کیمسه آللهَ و انون رسولینا و علیّه و او امام لاردان کی سیزه ذکر ائتدیم اطاعت (ائده)، حقیقتاً بویوک بیرسعادته نایل اولار0
ای جماعت،اونا بیعت امرینده قاباقادوشنلر و اونون ولایتین قبول ائدنلر و اونین امیرالمؤمنین لیگینه تسلیم اولانلار ، اونلاردیلارکی سعادته نائل اولوب و اونلار نعمت لریلن دولی اولان جنّت باغلاریندا اولاجاقلار0
ای جماعت، سؤزلردن، اوسؤزی دییون کی آللّهی سیزدن راضی ائده، پس ،اگر سیز و بیتون یئریوزونده کی لر، کافیر اولالار، آللهَ هیچ زیان یئتیشمز0
بارپروردگارا، ادا ائتدیگیم (امانتوی) و امرائتدیقیم امره ایمان گتیرنلری باغیشلا، و اونلارا رحمت ائت و کافیر اولان منکرلره غضب ائت 0 و تمام حمد و ستایش لر عالم لرین ربّینه مخصوص دیر0

ذوالجلال آللّهین  لطف لریلن ، سوت  گونو (یکشنیه)  ساعات  بش ده
ایکیندی  چاغیندا غدیر خطابه سینین دوندرمه¬سی ، تبریز شهرینده سونا چاتدی0
اهل بیت عصمت وطهارت خادمی ــ جمال احمدی اصل11/1/87