اي جهانين خلقينه رمزبقا يابن الحــــــــسن

اي جهانين خلقينه رمزبقا يابن الحــــــــسن
جانوه عالملرين جاني فدا يابن الحــــسن
اي تاپان نورجماليندان جهان ضوء و ضـــــيا
وي وجودپاكينه وابسته نفس ما ســـــو ا
اولماسا فيض عناياتون اولار عالم فنــــــــــا
ماسواللّهي دوتار يكسر بلا يابن الحـــسن
سن جمال اللهَ آيت سن ، جهانِ حسنــــــده
سن اوگونسن يوخ نظيرون آسمان حسنده
حُسنه حُسن آرتيرميسان سن خاندان حسنده
حُسنلرسندن تاپيبلار اعتلا يابن الحــسن

سن اومولاسن وئريب نورون جهانه اعتـــــبار
سن اومولاسن وجودونلا تاپيب عالم قـرار
خوان يُمنوندن جهان اهلي اولوبلار ريزه خوار
اي سنه كون ومكان،خوانِ عطايابن الحسن
سن مراد و مقتداسن انس وجانِ خلقتــــــه
سن گُلِ زينت فزا سن گلستان خلقتــــه
سن وليِّ امرِ مطلق سن جهان خلقتــــــــه
يوخ وليّ امرِدين سندن سوا يابن الحـسن
سيّدي خلق جهانين همّــــتي باطل ده دي
جمله غملر خاطر ناشاد اهل ديلـــده دي
اي پناه سيزلار پناهي شيعه لر مشكلده  دي
اي هامي مشكل لره مشكل گشاياابن الحسن
اي گلستان امامتده گل خوشرنگ و بــــــو
وي جهان خلقته لطف وجودون آبــــــــرو
ائيليري اهل ولا فيض حــــــــضورون آرزو
اي اميد و ملجاء اهل ولا يابن الحـــــــسن
سيّدي گر اولموري قسمت منه فيض حضور
واي منه جاي گلايه يوخدي مندندي قصـور
سن ئوزون اي مظهر لطف خداوند غفــــور
قيل نظر ائله مني مندن رها يابن الحـــسن
اي ديار حُسنده فــــرمانرواي ِكامــــــران
تك نه من ، مشتاقِ ديداروندي عشّاقِ جهان
سن امير ملك عزّت ، من گداي آستـــــان               
شه يوزون گورسه نولار،مسكين،گدا،يابن الحسن
سيّدي سن مظهر و معناي سرّ الله ســـــن
قلب عالم سن هامي اســـــــــراردن آگاهسن
شاه راه عزّته روشن دليل راه ســــــــــن
دوز يولي آزدي ، اولان سندن جدا،يابن الحسن
سيّدي من گرچه سرّ عشقدن نا آگــــــــهم
دل خوشام امّا كه عمرومجه گداي درگـــهم
مقدم شهده اليم يئتسه اگر خاك رهــــــــم
بير نولور بير لحظه ديدارون اولا قسمت مـــنه               
هرايكي دنيا اولا سرمايه عزّت مــــــــــنه
سن دعا ائت حق عنايت ائيله سين رجعت منه                
اوندا اولسون قسمتيم فيض لقا يابن الحسن

شعراز:حيدرخسرو شاهي (حــزين)