عرض ارادت به محضر حضرت مهدي(عج)
طبيبيم دردمندم ، طالب درمانيوا ، گل گل
مريض درد عشقم ،خسته هجرانيوآم گل گل
کرم قيل ، التفاتون کسمه اي شه ، بينوالردن
گدايم ، بينوايم ، سائلِ احسانيوآم ، گل گل
خمار باده عشقم ، منــــه رحم ائيله اي ساقي
وفا بزمينـــده محتاج مي عرفا نيوآم گل گل
مسلّم نيلورم وئرديم حياتون چشمه سين خضره
بقا سرچشمه سي سن سن،سنون عطشانيوام گل گل
گئجه گوندوزايشيم آه وفغان دوردردهجروندن
ترحّــم قيل خيال وصليله حيرانيوام گل گل
اورکده لاله تک هجرون چکوبدورداغي داغ اوسته
الا اي باغبان رحم ائت يانان ريحا نيوا گل گل
بهشتيم گلشنيم باغيم گلستانيم گليم سن سن
خوشام بلبل لرون جمعنده مدحت خوانيوآم گل گل
اميديم عزتيم عشقيم جلاليم شوکتيم شانيم
حبيبيم دلبريم جانيم بلا گــردانيوام گل گل
تولا ملکونون سلطاني سن سن ايندي احسان ائت
بومسکين و گدايه ريزه خوار خوانيوام گل گل
جهاندا اهل عالم ، لطفووه محتاج دور، اي شاه
نه تک من مستــمنددولت غفرانيوام گل گل
اگر چه قابليت يوخ ، اولام دربـــــاريوه دربان
ولي لطف ايله اي شه خادم دربانيوام گل گل
ئوزومده گورمورم اقبال اولام درگاهيوه خادم
تفضل ايلـه سن جاروکش ايوانيوام گل گل
تعال الله تعال الله عجب لطف ائتموسن احسان
که بنده سويلر ئوز مولاسينه قربانيوام گل گل
باش ايسته اي باشيم تاجي سنه جانيم فدااولسون
ندور باش مين جان اولسا تابع فرمانيوآم گل گل
سن اقليم ولايتــــــده شهنشاه فلک شوکت
قبول ائدسن غلام بي سر و سامانيوام گل گل
تيکيبدورگوزيولابيرعمردورشب خيز،يول گوزلر
گوزون قرباني اي گوزلرگوزي فرمانيوآم گل گل
