اولدي متولــــد آنادان حجت يـزدان

شعر آذری در باره امام زمان علیه السلام
e-z-3
اولدي متولــــد آنادان حجت يـزدان
هادي خلايق يوزي بير مهر درخشان
دنيايـه قدم قويدي بوگون زاده احمد
دولدور دي بو آفاقي گينه نور محمد
**
اولموشدي بوگوهرصدف بطنيده پنهان
خلاّق جهان ايستدي چيخسون مه تابان
آفاقي منور ائلـــــــــدي نيمـة شعبان
گوردي آتـاسي آئينـه صبـــــح ازلـدي
مين يوسف اولا مثلي اولانماز بو گوزلدي
**

موج ائيله دي بحرکرم خالق غفّـــار
نصف مه شعبانيده الطافين ائدوب يار
انوار خداي ازلـي اولـــــدي پديدار
تاکشف اولا خلقـه  نـدي منظـور الهي
دنيـانـي احاطـه ائلي يوب نـور الهي
**
چون چرخ امامتدن اولوب گون کيمي اظهر
آفـاقي ائدوب شعشعــــــــةنوري منور
امثالي نه حيـــــــراندي بـوگردون مدور
گنجينـة حکمتـده بـودور درّ يگانـه
معيارينـه مبهـوتيدي صراف زمانـه
**
عالمــــــده بودور نوگل گلزار امـامت
حاشا اولا بير گلشـن وگل ده بو طراوت
دنيـانـي دوتوب عطـر وفا نکهت جنّت
عطريلـه معطـــر اولونوب عالـم امکان
معناده اولوب سطح جهان روضة رضوان
**
خلقتده خدا نوري دي بو صورتاً    انسان
نوريله ملبس ايليوبــــدور بوني   يزدان
بونوري گـوره محو اولي مين زاده عمران
حسننده اولوب نور خـداوند ظهوري
آفاقي منـو ر ائدوب آلنندا کي  نوري
**
نوريندن ائدوب خالق حق نوريني مشتق
باشدان اياقـه نـور خداوندي مــــطلق
بوشأنه ائـدرغبـــــطه هامي امت اسبق
بوندان ائلي يوب کسب وضياء نيّر و افلاک
مشگل دي مقاماتيني  درک  ائيليه  ادراک
**
حق ايستدي ئـــوز قدرتيني ائيليه اثبات
ائتدي بو شـــه حسنده ئوز نوريني مرآت
ممکن دگي بير کيمسيه بو شأن و مقا مات
عشاقي بوگونده نجه شوريده سراولـــماز
بالله بـوجلا لتـده جهـانـدا بشـر اولــماز
**
جاءالحقي کتفنده يــــــازوب خالق عالـم
حق گلدي ظهوره گيده جاخ باطل و اوهام
بونوريله مستحکم اولار پايه ي اســـــلام
افراشته عـالم ده ائـدر پـرچم ديني
احياائـده جـاق شرع منيـر نبوي ني
**
بيرنوريدي نرگسدن اولوب گون کيمي طالع
هفت ارض و سما واته سالوب پرتــو لامع
گنجينة اسرارخــــدا خاضع و خــــاشع
يمـن قدمينـدن يئتيشـر رزق   ورايـه
علت دي بو شــه قائـم سکّان  سمايه
**
ايجـــاب مشيت ائلدي عرش خداده
بو نـور قــالار پردة غيبتـده خفــاده
عالم بوله بيـرحجت حق واردي بقاده
بيرگون گَلي که گون تک اولار مکّه دن افشا
نوريلــــــــــه منـّور اولي بو صفحه غبرا
**
چول لرده گزر صبح و مسا واله وحيران
شمشيره باخار دلده اولار دردي فراوان
عالم اولا گلشن گينه گلمز يوزي بير آن
گه  جدّي حسين محنتي ني يادائدر آغلار
گوزدن توکر اشگين يوزه فرياد ائدر آغلار
**
ائتمز ولي بو حالي اوشــــه دلده فراموش
اولموشدي حسين اوندا که خاکيله همآغوش
مرکوب گوروب راکبني خستــــه و بيهوش
آغشتـه ائدوبـدور ئوزونـي قرمزي قانـه
بيـرباش قئييدوب خئيمييه گلـدي يانا يانه
**
ناگه ائشيدوب اهل حـرم ناله صداسيـن
هرتک تكي افزون ائلدي دلـده نـواسين
آلدي فرسين دوره سيني عتـرت يا سين
بعضيسي چکوب صيحه وراردي يوزه سيلي
سويلر ديله تک گلـــــماقووين وارنه دليلي
**
سسلندي سکينه ، نيه بو حاله  قالـــــوبسان
آلُ اللّهــــــون ، اَلدن بوگون آرامين آلوبسان
واضح دء گوروم بس بابامي هاردا سالوب سان
آز جاري گوزوندن يوزوه  اشگ ترون ائيله
لب تشنــــــه بابامدان من زاره خبر ائيله
**
«مدحي »و« اميني »ائيليوب شعريده شرکت
اولدي اولارا گور نجه توفيــــق و سعادت
هرنيمه شعبان اولي بو ورد قـــــــــرائت
اولدي متــــولّد آنـادان حجت يزدان
هادي خلايق يوزي بير مهر درخشان
شعر از : حاج ميرزا حيدر مدحي

توسط RSS یا ایمیل مطالب جدید را دریافت کنید. ایمیل:

 

اضافه کردن نظر


کد امنیتی
تازه کردن