گلــــزار ولاده آچيليب بير گل مقصود
عـزّ و شرفين طـالعيني ايلـدي مسعـود
يعني ولي عـــصر و زمان مهدي موعود
نوريلـه ائديب عالم ايجـادي منـّور
وئردي گل رخسارله ، عالملره زيور
طوبـي شرف و منزلت نيمة شعبـــــان
بير آيري صفا تاپدي بوگون عالم امکان
معناده اولوب ملک جهان روضة رضوان
يوخ يوخ هاني اوندا ،بوصفا و بوجلالت
مين روضـة رضوانـه دَيَر، بيت امـامت
شعبان آيي نين نيمه سينون صبح زماني
دولـــدوردي جلال وعظمت کون ومکاني
حــــــــوران بهشتي بزييب باغ جنـاني
الده بيريسي گل ، بيري ساغر ،بيري تسنيم
ايستير ائــــده بانـوي شرف ، نرگسه تقديم
بيت حسن عســـگريده آيري صفا وار
افواج ملائک اولوب اول مــــنزله زوّار
ايلير هره ئوز قدريجه اخلاصيني اظهار
ايستير ئوپـــه بعضي سي الين ، بعضي اياقين
بعضي سي چکير حسرتين، اول غنچه دوداقين
هرنازيل اولان محو اولوري ، محفل رازه
بير باش قــويولوب سجده گه راز و نيازه
بير ال آچيليب ، بارگـــــــه بنده نوازه
هر لحظه سينون جاذبه سي الدن آلير هوش
اول جاذبه دن واريئـــري عالم اولا مدهوش
بير نــــــور تجلي ائليوب شرق ولادن
خورشيد سماواتي ساليب ضوء وضيادن
سـامّره وو رور طعنه بهشته بو عطـادن
سامّــــره ني آلله ائليــــــوب مطلع الانوار
عشّاقه و ئــــرون مژده تجلي ده دي دلدار
بير بزم صفـــا جنّت اعلاده قـوروبـلار
ارواح رُسُـــــل نوبت تبريکه دوروبـلار
بير سبـز عَلَم نوردَن اول بزمه و وروبلار
اول پرچــــم زيبايه يازيب کاتب قدرت
باطل آرادان گئتمه ليدي،گلدي حقيقت
اول مجلسْ آرا ، صدرنشين حضرت طاها
بير يانـدا خانيـم فاطمـه بيرسمتده مـولا
صاق ، صولدا ائمّه دايانيبـــلار گؤره لر تا
الـــــطاف و عنـايات خداوند جَلي ني
لطف و کـرم قـادرحـــــــيّ ازلي ني
تبريک دييرخيــــــل رسل خير ورايه
ابرار گـليب تهنيت شيــــــــر خدايه
حوران بهشتي ده دييير خيــــر نسايه
اي سيّــــدة اهل جنان گؤزلرون آيدين
گلدي بالاوين قانين آلان گوزلرون آيدين
گلـدي اوکي ديوان عدالت قوراجاقدور
عدليله سراسر يئراوزون دولـورا جاقدور
دنيايه علـم صدق وصفادن ووراجاقدور
زور و زر تزوير و ريا اولمـاز اوگلسـه
دنيا بئله بي ذوق وصفا اولماز اوگسله
گلسه يئر اوزون رشگ جنان ائيلر او سرور
ماهيّت اسلامـــــــــي عيان ائيلر اوسرور
ناحــــق توكولن قانلارا ، قان ائيلر اوسرور
عالمده داهي بير بئــله ظلم وستم اولماز
بير بئيله پريشانليق ، بير بئيله غم اولماز
گلسه ائده جاق شيوه ي پيغمبري اجرا
امنيّت كامــل گوره جاق ديده ي دنيا
اجــراي عدالت ائده جاق ظالمي رسوا
نه كــــبر و منيّت نه مباهات اولاجاقدور
خلق ايچره مساوات و مواسات اولاجاقدور
چون حقّه اودي جمله ي اوصافده مرآت
گلسه ائده جاق حقّي جهان اهلينه اثبات
حق لطف ائلييه تئز اولا ايكاش بوميقات
ظالم لري رسوا ائيلييه ، دست عدالت
آز اهــل ولايه ويرالار طعن و شماتت
گلســـــــه يئر اوزون دولدورار انوار حقيقت
مفهوم حقيت نئــــــــــــدي آنلار بشريّت
رسواي اولي هركس كه قويوب شرعده بدعت
اوندا داهي قان خاطــــــر اهل يقين اولماز
بير ائيله گوني گورسه حزين ده حزين اولماز
شعر از : حيدر خسرو شاهي(حزين)
