مولا ، آقا ، عجِّل علي ظهورک

ايذن وئريارب گه له مهدي اميد هل اتي
شيعيـان داغـداري ائيـلي يـه غمنن رهـا

مولا ، آقا ، عجِّل علي ظهورک

ائيلــيري ندبه دعاسـين روز جمعه شيعه لر
هر قرآئت ده دييلّر جمعه ده مهدي  ، گلر
لطف ائله تئزگل آقا بوخسته جانلار دينجه لر
منجي خلـق بشرسن اي اميـد مـاســِوي

مولا ، آقا ، عجِّل علي ظهورک

گوزتيکيب لر يولّارا عاشق لرون اي منتَظَر
عالمي ظلمت دوتوب ، ظلمه دچار اولموش بشر

مهدي يا مهدي دييلّر گوزلرينده اشک تر
گلمـاقون ائيـلر جهـاني ، گلســــتانِ بـا صفـا

مولا ، آقا ، عجِّل علي ظهورک

شهرده رايج اولـوب ربح و ريا يـا سيدي
حق چيخوب يادّان اولوب ايش لر ريا ، يا سيدي
ظلمدن ظالـم لـر ائتميلّر اِبــا يا سيدي
مقدمون قوربانيوخ ، گَل،  اي گُـــل خيرالنساء

مولا ، آقا ، عجِّل علي ظهورک

اهـــل استکبـار ايســدير عالمي تالان ائـده
رخنه ائليب دينه،دينـون رُکنوني ويـران ائـده
هم آليب فرهنگي الدن خلقي بي ايمان ائده
شرعي مطرود ائلي يه تا اولميا حجب وحـيا

مولا ، آقا ، عجِّل علي ظهورک

کشور اسلاميده ياددان چيخوب حفظ حجاب
بولموري طغيان ائدنلر واردي بير روز حساب
جان زهــــرا چک کناره سيّدي يوزودن نقاب
روشن اولسون گل جمالون عالمي ائيله صفا

مولا ، آقا ، عجِّل علي ظهورک

دين آديله سيّدي ضربه گورور دينِ خدا
مهدي يا مهدي دييب ،  ظلم ائيلوري اهل جفـا
حقّي ناحق ائيليوب ، رشوه آلير اهل ريا
چاره ميز سن سن گل اي نور دوچشم مصطفي

مولا ، آقا ، عجِّل علي ظهورک

گرگوتورسن سن خجسته وادي حقده قدم
صدقيـله اخلاصيله قلبون سوزون ائيـله رقم
اجرووي ائيلر عطا ،  بيل خالق لوح و قلم
روز محشرده ، اولارســـان شامل لطف خدا

مولا ، آقا ، عجِّل علي ظهورک